Na Corsou, partido PNP no a cambia di posicion: Renegocia COHO

WILLEMSTAD - Partido Nashonal di Pueblo (PNP) no a kambia di posishon pa loke ta lantamentu di e Organo Karibense pa Reforma i Desaroyo (COHO). E partido bèrdè ta keda para ariba ku tin di renegoshá COHO. Esei tabata e konklushon prinsipal ku a Sali for di un reunion ku a tuma lugá ayera nochi ku e grupo di trabou di COHO den PNP.

Mester bisa ku, di loke nos por a opservá, e sala tabata kompletamente yen i finalmente no a laga duda den loke ta su posishon. E reunion aki tabata spesialmente i partikularmente pa a trata e tópiko di COHO i e posishon final. PNP ku esaki ta demonstrá ku e ta konsistente den su posishon, esta ku e ta para pa renegoshá e konsepto di lei di Reino.

COHO ta un konsepto ku a mira lus for di 2020 komo un derivado di CHE. Pero komo ku no por a traga e último aki a renegosh’é i yega na algu nobo. Asta e promé konsepto dje COHO a ser someté na konsehonan di Raad van State di Hulanda i Raad van Advies di Kòrsou, i ámbos a mustra riba puntonan ku tabata empugna ku un demokrasia. Si a bai di akuerdo ku e promé konsepto di COHO, un grupo di ámtenar Hulandes lo a bin tuma desishonnan fundamental i kasi pone gobièrnu un banda.

Esaki a trese kuné ku a renegoshá e konsepto i yega na un fórmula mas akseptabel ku ta enserá nombramentu di miembronan den e entidat aki. E paisnan lo a haña mas influensia den nombramentu di e miembronan, asta den nombramentu di e presidente.

Ultimo simannan a surgi basta diskushon i asta konfushon pa motibu ku algun tempu pasá Promé Minister Gilmar Pisas a firma e dokumento aki, sperando un konklushon for di debatenan den Parlamento. Pero aki a surgi e konfushon ya ku frakshonnan a spera ku kosnan lo a bai nèt kontrali, esta ku lo a someté e COHO na huisio di Staten, i si e ser aprobá, Premier lo por a pone su firma final. Ta parse ku frakshonnan ku ta sostené gobièrnu mes no ta riba e mesun liña ku sr. Pisas.

A importante pa informá tambe ku e COHO ta enserá e landspakket ku ta enserá mil i un proyekto pa rebibá ekonomia, ku fondonan Hulandes. Finalmente tambe ta importante pa rekordá ku dado kaso no bai di akuerdo ku COHO, tin un debe di 1 miar florin ei tin di paga Hulanda bèk. NOTA: Texto ta scirbi den Papiamento fonetico di Corsou.