HIAS Aruba Community Center a habri su portanan e siman aki

ORANJESTAD – E siman aki a tuma luga apertura di “HIAS Aruba Community Center” cu ta un centro unda personanan vulnerabel (imigrante y residente), por topa cu otro. Na e centro por ricibi sosten, adikiri conocemento y desaroya cualidadnan pa transforma den un persona mas resiliente. Na e ocasion Prome Minister Evelyn Wever - Croes a hiba palabra gradiciendo HIAS pa e sosten y colaboracion brinda na Aruba ultimo 3 añanan y tambe a felicita nan cu expansion di nan servicionan den region y director sr. Yiftach Millo conhuntamente cu cada miembro di staff cu e apertura. 

HIAS a habri nan oficina na Aruba february 2019 cu un staff di dos persona, y awor ta emplea mas di 23 persona, for di cual 90% di nan ta Arubiano. Banda di provee oportunidad di trabou, HIAS tambe ta ofrece studiantenan e oportunidad pa haya experiencia laboral, como parti di nan rekisitonan academico na un organisacion internacional. Pa cual ta gradici pa duna e studiantenan e oportunidad aki.