Bermudez: Gobierno no ta introduci ‘solidariteitsbelasting’

ORANJESTAD – Gobierno a dicidi cu no ta bay introduci un ‘solidariteitsbelasting’ manera cu tanto International Monetary Fund (IMF) y College Financieel Toezicht (CFT) a sugeri pa gobierno haci. Ni e aña aki ni otro aña. Esaki minister di finanza Angel Bermudez a confirma na NoticiaCla.com awe. Segun e mandatario, no tin ningun sentido introduci un impuesto mas y encarga un organisacion manera belastingsdienst pa cobra esaki. Segun e mandatario, belastingdienst ta ‘overbelast caba cu retraso di impuesto atrasa’. “Y pesey nos a bisa cu enves di introduci un cobransa nobo, lo usa e capacidad di e.o. wetgeving pa traha riba leynan nobo di commissie Vermeend (pakete di reforma di impuesto). “Nos ta bay cobra loke tin cu cobra y ruim op e rotzooi cu tin mas cu 10 aña den belastingdienst” Bermudez a bisa.

CIERRE DI LAGO

Ta conoci cu ora cu refineria Lago a sera na 1985, gobierno a introduci e impuesto aki, pa por genera entrada cu e la perde di e refineria. E tabata algo cu a dal hopi hende duro, pero cu a nota cu tabata necesario. E impuesto como tal a laga comunidad cu un sabor amargo atras. Como tal, ora cu a compronde cu lo ta papiando di e mesun impuesto aki atrobe, esey no a cay den bon tera. Pero awor ta parse cu gobierno pues, lo no resorta na e cobransa aki. Por lo menos no e aña aki ni otro aña.