Emmanuel Macron y Marine Le Pen ta pasa pa di dos buelta di eleccion presidencial frances

PARIS – E mandatario saliente di Francia, e centrista Emmanuel Macron, a gana e prome buelta di eleccion presidencial franses cu un 27,85% di e votonan conta, contra e ultra derechista   Marine Le Pen (23,15%), segun e resultadonan definitivo publica dialuna. E izquierdista Jean-Luc Mélenchon a keda na di tres lugar cu 21,95% di votonan. E otro 8 candidatonan ta bou di e 5% di apoyo. Entre nan tin e derechista Valérie Pécresse (4,8%), e ecologista Yannick Jadot (4,6%), e comunista Fabien Roussel (3,3%) y e socialista Anne Hidalgo (1,75%). Dia di 24 di april proximo, Macron y Le Pen lo participa den e di dos ronda di e eleccion. Contrario na e prome eleccion na 2017, e lo no ta mes facil pa Macron, ya cu Le Pen ta mucho mas cerca e biaha aki. JOEL SAGET, Eric Feferberg / AFP