Na Corsou, Aqualectra y Eagle LNG a firma Heads of Agreement pa suministro di gas

WILLEMSTAD – E compania di electricidad na Corsou Aqualectra a firma cu Eagle LNG Partners un asina yama ‘Heads of Agreement’ como e prome paso pa yega na un contracto pa gas duradero pa usa pa produccion di awa y electricidad pa e isla. Ta premira cu e periodo di negosacion termina mitar di aña pa despues partidonan continua cu e desaroyo pa suministro di gas. E idea ta pa tin menos gasto na prouccion y mantencion cu ta traduci finalmente na un tarifa mas abou di coriente y awa.  E acuerdo a keda firma pa CEO di Aqualectra N.V., Mr. Darick Jonis, y Mr. Filipe Pinto, Vice Presidente Of Business Development of Eagle LNG Partners LLC. Esaki a sosode den presencia di minister   Ruisandro Cijntje y e consul di Merca Margy Bond.