Polis cu listramento pa arma na Playa y Seroe Patrishi

Posted on 3/16/2015, 10:50 PM AST | Updated on 3/16/2015, 10:53 PM AST

ORANJESTAD - Polis lo ristra preventivamente (preventief fouilleren) riba posesion di arma di candela riba varios fecha den e periodo di 17 di maart 2015 pa 24 di mei 2015 na Oranjestad y Seroe Patrishi. Ta trata di 6 accion en total. Esaki a keda confirma pa Ministerio Publico dialuna ultimo.

AREA DI RIESGO

E area di riesgo di seguridad (veiligheidsrisicogebied) ta encera 2 zones, esta:

zone I: Oranjestad (desde rotonde di Wendy’s pa Centro di Playa Pabao, Cuquisastraat, oficina di dokter Croes, crusada di Santa Helenastraat/Lucianitastraat/Driemasterstraat, rotonde Ponton, crusada di RCA na Solito, rotonde Seroe Blanco, crusada di unda tabata Codemsa y rotonde di airport rumbo rotonde Las Americas y Nikki Beach) zone II: Sero Patrishi (incluyendo e casnan di pueblo).

FECHA DI ACCION

E ordo pa preventief foulleren a wordo duna pa:

diamars 17 di februari 2015 di 6’or di anochi te diaranzon 18 di maart 2015 pa 6’or di mainta diasabra 28 di maart 2015 di 6’or di anochi te diadomingo 29 di maart 2015 pa 6’or di mainta diasabra 4 di april 2015 di 6’or di anochi te diadomingo 5 di april 2015 pa 6’or di mainta diasabra 25 di april 2015 di 6’or di anochi te diadomingo 26 di april 2015 pa 6’or di mainta diasabra 9 di mei 2015 di 6’or di anochi te diadomingo 10 di mei 2015 pa 6’or di mainta diasabra 23 di mei 2015 di 6’or di anochi te diadomingo 24 di mei 2015 pa 6’or di mainta

MAS AREA

E area den cual por fouilleer preventivamente riba posesion di arma di candela, a wordo apunta pa fiscal, despues di autorizacion di Huez-Comisario a base di articulo 12 lid 2, 13 lid 2 en 14 lid 2 di Ley di Arma di Candela (Vuurwapenverordening). Polis tin den e area di riesgo di seguridad aki e autorizacion pa para hende y ristra nan preventivamente na nan paña, pa habri tasnan y pakinan y investiga e contenido di esakinan y pa investiga vehiculonan riba posesion ilegal di arma di candela.