Insel Air ta aumenta servicio di Pre Clearance pa buelo di Miami

ORANJESTAD - InselAir Aruba a anuncia un expansion di “Pre-Clearance” pa nan pasaheronan cu ta biahando di / via Aruba pa Miami. E compania tabata provee su pasaheronan e posibilidad aki anteriormente pero solamente pa 4 dia di siman, y e resto nan mester a haci esaki na Miami mes. Esey a cambia y awor a haya aprobacion pa uza e Pre Clearance tur dia, entrante inmediato.

PRE-CLEARANCE

Pre-Clearance ta nifica cu pasaheronan cu uza e servicio aki, por evita esaki ora cu nan yega Miami y ta yega como si fuera nan ta riba un buelo ‘domestico’. “Esaki lo no solamente aumenta e comfortabilidad di biahe pa nos pasaheronan” Frederick Nuboer, CEO di Insel Air Aruba a declara. “E ta impacta e experiencia di aeropuerto pa miles di pasaheronan cu Insel Air ta transporta mensualmente via di e hub di Aruba, di un forma positivo”. Insel Air ta opera buelonan diario di Aruba pa Miami.