Gobierno ta kita accijns riba gasoline pa 2 luna pa baha prijs toch

ORANJESTAD – Gobierno di Aruba awe mainta durante reunion di conseho di minister a tuma decision pa haci e tramite y anuncia cu gasoline ta bira mas barata, debi cu a dicidi di elimina accijns riba e productonan petrolero pa por lo menos dos luna. Ya cu gobierno a admiti recientemente cu no a hedge pa 2022, e consecuencia ta cu e prijs halto di di productonan petrolero lo afecta Aruba seriamente e proximo lunanan, debi na e.o. e guera entre Rusia y Ucrania. Despues di deliberacion interno awe diabierna mainta durante conseho di minister, a tuma e decision pa haci algo cu por yuda, aunke temporal. Mescos cu ta e caso na Bonaire y Hulanda awe, prijs di gasoline awor ta bira basta mas barata ‘atrobe’. Por spera filanan largo unabez cu e fecha keda anuncia cu e cambio ta drenta na vigor.