Wever: Tin deseo pa mira nos beachnan y playa menos ocupa cu watersports

ORANJESTAD - Tin e deseo pa mira nos beachnan y nos playanan menos ocupa cu Watersports. Asina prome minister Evelyn Wever Croes a informa durante e reunion cu a tuma lugar cu diferente departamento encarga cu watersports. E reunion tabata pa atende e situacion di e deporte aki despues di e tragedia di siman pasa unda cu un damita Mericano a perde su bida ora cu un boto a pasa riba dje. E mandatario a reuni pa wak kico por haci pa evita un suseso asina di nobo. Y ta aki ta unda cu a bin e expression cu tin deseo pa mira nos beachnan y playa menos ocupa cu watersport. Tambe a mustra cu ta sinti cu tin deseo pa regula e sector aki mas. 

INVESTIGACION

A compronde tambe cu ta warda pa Ministerio Publico y Polis Maritimo finalisa e investigacion di e accidente lamentabel cu a tuma luga recientemente.