Acoya ta sigui impresiona cu calidad hotelero na Corsou

(ADVERTORIAL)

WILLEMSTAD – Personanan cu bishita Acoya, ta experencia un momento diferente cu otro hotelnan na Corsou. For di momento di su apertura mas di 7 aña pasa (hotel a habri na 2014), tabata un hecho cu e lo tabata diferente. Un combinacion di opcion (camber regular, bungalow y mas) cu e hotel ta y a provee for di su comienso, ta muestra di esaki. Esaki ta inclui inclusion di mas y mas facilidad pa e huesped exigente. E gerente benta y mercadeo y benta Henry Martijn ta percura pa atrae e turista di mas diverso y calidad, mientras cu e gerente di evento y banquete, Shadira Fernandez ta sigura di atrae  e eventonan di mas diverso, y por haci esaki danki na e facilidad y surtido di posibilidad cu e propiedad ta ofrece.  

BISHITA 

Recientemente nos tabata di bishita atrobe na e facilidad aki, unda cu a keda mustra cu continuamente ta actualisa y refresca e ambiente pa adapta na e momento di tempo. E bishita aki no tabata completo sin un cena suculento na e restaurante La Lagoon, unda cu e hefe di Aladino Peguero y su staf ta percura pa bo presencia ta uno inolvidable. Hunto cu e.o. Jennifer Pegeuro, Emy Scoop y Noemy Colpa, nan a percura pa nada no falta durante bo experiencia culinario. E otro posibilidad culinario ta presenta durante desayuno na Lake Side Terrace, unda cu e nomber mes ta bisa tur cos. Sinta banda di un lago, y experencia e trankilidad mainta, combina pa e servicio di e staff servicial. E personal na recepcion, tabata ekipa cu suficiente informacion y amabilidad pa pone bo sinti na cas, for di momento di bo yegada, duracion di bo estadia y na salida, lagando bo cu gana di bolbe un biaha mas.