Mas di 20 compania a presenta plan pa ‘resolve’ problema di desperdicio na Aruba

ORANJESTAD – Un total di 24 compania a participa na e session pa bin na remarke pa yuda cu e problema di Dump. Durante e session conoci como Trash 2 Cash, e companianan a presenta nan plan con pa ‘deshaci’ di e sushi den varios forma. E intencion ta pa entre e companianan aki, selecta alguno cu lo keda encarga cu e maneho di desperdicio na Dump den futuro. Mester pensa den direction di  recicla, re-usa y reduci diferente "waste streams", of tipo di desperdicio.Gobierno a sigura un biaha mas cu e proyecto aki no ta compromete gobierno financiero, y cu ta meramete facilitador ta e tarea di gobierno den esaki y responsabel pa e leynan necesario. No ta conoci cua compania a haci e presentacion y ni ki fecha lo selecta esnan cu ta haya e oportunidad pa ta involucra finalmente den e proyectonan.