Tin 24% di auto cu no tin nada di number paga pa 2022 ainda

ORANJESTAD – Un total di 24% di autonan no tin nan number paga ainda pa 2022. Asina a compronde di departamento di impuesto. Manera ta conoci, dia 4 di februari ultimo e deadline a vence pa haci e prome pago pa number di auto pa 2022. A compronde cu 74% a paga nan auto di cual 47% a paga full aña mientras cu 28% a paga mitar aña. Esaki ta bon pa 66.349 auto cu tin nan number paga, di e 89.595 number di auto cu tin registra na DIMP. Tambe tin 2% di number cu a keda entrega bek ya cu no ta usando esaki. 

KEN NO TA PAGA

Mas specifico den e grupo di mal pagado, tin e grupo mas grandi cu ta tipo A, cu tin 18.108 number no paga, sigui pa 799 motorcicleta, y 1347 auto di huur cu no tin number paga ainda. E siguiente periodo pa cumpli cu pago ta dia 30 di juni proximo.