Tenista femenino number uno di mundo ta retira cu 25 aña

PERTH – E tenista femenino number 1 di mundo Ash Barty a anuncia su retiro cu apenas 25 aña di edad diaranson. E ta professional desde 2010 y ta number uno di mundo desde 2019. E ultimo torneo cu e la gana tabata e habri di Australia na januari ultimo. Segun Barty, e no tin nada mas di demonstra. Esaki no ta prome biaha cu e ta bandona tennis. E tabata e campeon hubenil di Wimbledon na 2011 cu 15 aña ora cu e la retira. Barty a gana 15 torneo grandi den singles y 12 den doubles desde cu e la bira professional.