Aruba su presencia riba lista cora di CDC ta afecta biaheronan di grupo, incentivo y exibicion

ORANJESTAD – No obstante e hecho cu ainda Aruba ta permanece riba e lista mas halto di prohibicion di biahe pa motibo di pandemia, e lista cora scur (#4), turismo di placer ta moviendo bon. CEO di oficina di turismo di Aruba, Ronella Croes diamars a confirma esaki pa noticiacla. Manera cu e portal aki a raporta anteriormente, e fin di siman aki Aruba a ribi mas di 13 mil turista di cual mayoria tabata for di Merca. Y esaki ta cu Aruba riba e lista negativo di biahe pa motibo di Covid19. ‘E ta afecta MICE business” Croes a bisa, cu ta referi na mas tanto biahe di gruponan cu ta bin pa reunion, incentivo, conferencia y exhibicionnan. Pero den seno familiar individual, esaki no ta afecta. Aruba for di januari ta riba e lista cora, hunto cu 119 otro destinacion. Merca ta pone un pais riba e lista ey, di risico halto ora cu tin mas di 500 caso pa 100 mi residente registra den e ultimo 28 dia. Algo cu aworaki no ta cuadra mas si.