DUO ta bishita area Caribense atrobe

DUO ta bishita area Caribense atrobe

Posted on 03/21/2022 9:34 am AST | Updated on 03/21/2022 9:37 am AST

WILLEMSTAD - Den april Dienst Uitvoering Onderwijs (DUO) ta bishita Boneiro, Sint Maarten, Sint Eustatius y Saba. DUO ta habri un oficina di servicio temporal riba e islanan aki pa papia cu futuro y ex-studiantenan. Ademas DUO ta organisa encuentronan di informacion tambe y ta ofrece asistencia personalisa pa problemanan di pago na e sitionan. E bishita ta un continuacion di e bishita na Aruba y Corsou aña pasa. Pa futuro studiantenan riba e islanan aki DUO ta organisa un webinar awor. 

ENCUENTRONAN DI INFORMACION

E encuentronan di informacion ta enfoca riba studiantenan cu ta bay studia na Hulanda y nan mayornan. Durante e encuentronan nan ta tende tur cos tocante financiamento di estudio y otro asuntonan cu nan mester regla na Hulanda. Na Sint Maarten ta tuma luga tambe un encuentro di informacion pa ex-studiantenan. Durante di esaki ta duna entre otro informacion tocante e posibilidadnan pa pidi un midimento di capacidad financiero, pagamento bek lokalmente y kico mester haci ora tin problema cu pago. 

OFICINA DI SERVICIO TEMPORAL 

Personanan por pasa na e oficinanan di servicio temporal cu tur nan preguntanan tocante financiamento di estudio Hulandes y pago bek di nan debe di estudio. Pa bishita un oficina di servicio no tin mester di traha un afspraak. Ex-studiantenan mester bin cu un prueba di identidad si. Y si nan kier pidi reduccion di e montante mensual, nan mester trese tambe un resumen di nan entrada. Di e manera ey DUO por yuda e grupo di enfoce mesora si esey ta posibel.

AYUDO PERSONALISA

DUO gustosamente kier yuda preveni cu ex-studiantenan ta haña nan den problemanan financiero. P’esey ex-studiantenan cu un atraso den pago cerca DUO ta haña un ultimo oportunidad pa evita cu ta pone esaki den man di un oficina di incasso. Un parti di nan ta haña un invitacion di DUO pa bin papia cu un colaborado pa yega na un solucion na midi.

INFORMACION ONLINE NA ARUBA Y CORSOU 

Pa futuro studiantenan na Aruba y Corsou DUO ta organisa un webinar. Esaki ta un continuacion di e encuentronan di informacion cu a tene na november. Si tin pregunta (ex-)studiantenan di Aruba y Corsou por tuma contacto via chat y videocall cu DUO.

MAS INFORMACION 

DUO ta di 11-21 di april na Boneiro, di 11-21 di april na Sint Maarten, 25 y 26 di april na Sint Eustatius y riba 28 y 29 di april na Saba. Mas informacion tocante e sitionan y orarionan di apertura di e oficinanan di servicio y orarionan di e encuentronan di informacion por haña riba duo.nl/bezoekantillen.

  • Tres persona deteni na St Maarten pa manipulacion di fondo di recuperacion horcan Irma

    Tres persona deteni na St Maarten pa manipulacion di fondo di recuperacion horcan Irma

    PHILLIPSBURG – Na St Maarten a detene 3 persona riba sospecho di fraude cu placa cu tabata destina pa recuperacion di e isla despues di horcan Irma. Polis a haci tres entrada hudicial na residencia y na 2 oficina. E isla a wordo afecta seriamente na 2017, a consecuencia di e horcan cu a pasa riba e isla cu forza di biento di 300 km pa ora. Riba e parti Hulandes 4 persona a muri y tambe riba e parti Frances. Na tur, 134 persona a perde nan bida cu eorcan aki. Hulanda a pone 500 miyon euro disponible pa e isla. E fraude den e caso aki lo a sosode cu trabounan di e aeropuerto Juliana.  

  • Consensus durante reunion di IPKO cu mester adapta e concepto actual di COHO

    Consensus durante reunion di IPKO cu mester adapta e concepto actual di COHO

    PHILLIPSBURG – Si e reunion siman pasa di IPKO na St Maarten siman pasa a habri cu un realidad cu no tabatin consensus riba e tema di COHO, e reunion a cera diabierna cu un consensus cu mester adapta e ley di COHO, prome cu por implementa esaki. Den e forma actual, simplemente e no ta acceptable, segun e participantenan di COHO. “E contenido di e ley di REino manera presenta na nos, ta na desventaha di e pueblo di Aruba” tabata declaracion di presidente di Parlamento di Aruba Edgard Vrolijk. Mas aleu, miembro di parlamento Shailiny Tromp-Lee a sigura cu e masterplan di Aruba, ta 80% den cumplimento cu e asina yama ‘landenpakket’. Parlamentario Marisol Lopez Tromp ta preocupa cu e speed cu e proceso di reforma ta tumando lugar. Pa loke ta Corsou, e presidente di Parlamento America Francisca a bisa cu Corsou no mester di COHO pa wak si e reformanan ta necesario y cu Corsou mes a pone plannan pa recuperacion di e isla. “Sin COHO, reforma ta bayendo bon caba”. Parlamentario Amerigo Thode ta sigura cu den e forma actual, e ley di COHO no por keda riba mesa. St Maarten no a fiha un posicion riba COHO ainda segun su presidente di Parlamento. E isla tin varios preocupacion pa cu e ley. E pome minister di e isla a laga sa cu e tin problema cu e presion cu ta pone riba nan pa e ley pasa. 

  • Prome dia di IPKO ta mustra cu tin hopi duda ainda den COHO

    Prome dia di IPKO ta mustra cu tin hopi duda ainda den COHO

    PHILLIPSBURG – Diaranson atardi participantenan di Reino Hulandes na e reunioin di IPKO a haya un presentacion di ambtenaarnan Hulandes riba e tema di COHO. Durante e session di caso 90 minuut, e miembronan di tur e islanan en cuestion, Aruba, St Maarten, Corsou y hasta Hulanda por a haci pregunta riba e tema. Y for di e cantidad di pregunta, por a nota cu tin basta inquietud ainda for di varios isla.

  • Diaranson reunion di IPKO ta inicia cu tema principal COHO

    Diaranson reunion di IPKO ta inicia cu tema principal COHO

    PHILLIPSBURG – Diaranson e siguiente reunion interparlamentario di Reino Hulandes IPKO ta inicia, na St Maarten e biaha aki. Tema principal lo ta e ley di COHO y tambe RAFT, pero mas importante esun di COHO. Ta durante di e reunionan aki, lo conoce oficialmente e punto di bista formal di e tres islanan riba e tema, y con lo anda cu Hulanda riba e tema. Manera ta conoci Corsou y St Maarten a mustra cu nan kier pa renegosha COHO completo atrobe, y Aruba tambe ta mustra den e direccion ey. Echo ta cu e tres islanan Aruba, Corsou y St Maarten a pidi Hulanda mas tempo pa por entrega pregunta riba e ley, pero Hulanda no a condeci e tempo solicita. Hulanda a bay di acuerdo si pa cambia e fecha di 20 di April pa 18 di mei di e aña aki. E islanan a pidi pa e fecha di 17 di juni di e aña aki pero Hulanda no a aproba esey. Despues di e reunionan di IPKO, e gobiernonan di respectivo islanan lo trata e resultado cu secretario di estado Hulandes van Huffelen cu lo ta aki banda fin di mei proximo. E potret ta di e ultimo reunion IPKO cu a tuma lugar na Bonaire na augustus di aña pasa. 

  • Parlamento di St Maarten convenci cu no mester sostene COHO

    Parlamento di St Maarten convenci cu no mester sostene COHO

    PHILIPSBURG - Parlamento di St. Maarten no ta sostené e proyekto di lei di COHO den e forma ku e ta presentá aktualmente. Esei di akuerdo ku un karta ku presidente di parlamento di e pais, sra. Grisha Heyliger-Marten, a dirigí na Promé Minister sra. Silveria Jacobs. Den e karta na nòmber di parlamento e presidente ta introdusí su mes bisando ku nan a skucha ku masha atenshon e kontestanan ku e mandatario a duna durante e seshon informashon tékniko riba e lei di COHO i tambe a sigui e deliberashonnan riba e konsepto di lei den komishon sentral a base di un presentashon duná dor di gobièrnu.

  • Warda Costa: Turista ta fayece na Klein Bonaire

    Warda Costa: Turista ta fayece na Klein Bonaire

    KRALENDIJK - Ayera mainta banda di 11 or e Centro di Rescate di Wardakosta a risibi un yamada di MAYDAY riba VHF canal 16 di e boto MAGIC. E tripulante a informa e centro di rescate cu nan ta mira algun persona riba beach di Klein Bonaire ta purba di reanima un persona. Mes ora e Centro di Reskate a informa e team di Wardacosta cu ta stascioná na Boneiro. E team a sali mes ora cu dos kolega di polis riba e boto Justice di Wardacosta. Net prome cu nan a sali a risibi e triste notisia di KPCN ku e persona no ta duna señal di bida mas. Ta trata di un turista Americano femenino cu a sinti su curpa malo durante cu e tabata snorkel y a guli hopi awa. No por a reanima e señora mas. E team di Wardacosta a transporta e viktima pa tera y a entrege na polis.

  • Powered by SETAR