KPA: A haya homber morto bandi Santana na Zeewijk

ZEEWIJK - Diabierna pa 7:55 mainta central di polis a wordo notifica cu lo mester tin un hende homber drumi banda di caminda na altura di santana di Zeewijk. Patruya di San Nicolaas ta wordo despacha di biaha na e sitio di e sucedido.Na yegada enberdad patruya ta topa cu un hende homber di edad cu no ta duna señal di bida.Central di polis ta notifica recherche como tambe polis technico y slachtofferhulp.Dr.Texier a yega na e sitio y pa 8:55am a constata morto di e hende homber fam A. E caso ta bao investigacion pa por saca afo kico por ta e causa di e morto. E curpa di e fayecido a wordo tuma den beslag pa mas investigacion. Noticiacla y Cuerpo Policial ta manda palabra di condolencia na famia di e fayecido. Portret cortesia KPA.