Alfredo Koolman ta bira proximo director di WEB Aruba NV

ORANJESTAD – E actual director di WEB Bonaire NV, e Arubiano Alfredo Koolman ta bira e proximo director di WEB Aruba NV. Noticiacla a haya esaki confirma di fuentenan fedefigno cerca di e proceso andando. Den cuadro di esaki, a  compronde cu otro siman Utilities NV,- compania madre di WEB Aruba NV-, mes lo bin cu un declaracion publico riba e tema aki. Mientrastanto sr Koolman a anuncia su retiro di su funciona ctual como director na e planta di awa na Bonaire unda cu e la traha pa e ultimo 9 añanan. 

DECLARACION NA BONAIRE

For di Bonaire, sr Koolman a splica su proceso di pasado. “Durante di e último 9 añanan mi a disfrutá trahando na WEB Bonaire N.V kaminda nos a logra hopi komo organisashon i awor mi por mira bèk ku satisfakshon, mi aña nan na WEB. Tin un tempu pa bini i tin un tempu pa bai i e tempu pa  bai a yega pa ami. Masha Danki.” Koolman  a bisa. 

HDC

Pa loke ta e Hunta di Comisario di e planta na Bonaire, nan a gradicidi sr Koolman pa su funcion y e logronan alcansa durante e ultimo 9 añanan. 

LOGRONAN

Segun informacion ricibi, hunto cu e team ehecutivo i personal di WEB, Alfredo Koolman a inicia i implementa un reorganisacion importante na 2013. E tabata e motor tras di proyektonan grandi di WEB, manera e planta nobo di awa di bebe, e tanki di awa nobo na Seru Largo, e implementacion i reparacion di tuberianan di irigacion i reparacion di e planta di awa di kloaka ( RWZI), e contratonan cu Contour Global i e strategia di WEB 2025 cu ta contene e plannan pa e transicion energetico pa Boneiro. Potret cortesia Nos TV Bonaire.