Sin acuerdo awe, lo pone waf plat

ORANJESTAD – Sindicato kier 150 florin pa luna di aumento pa su miembronan na waf pa tres aña. Y si sindicato di trahadonan arubano (STA) y gerencia di Aruba Ports Authority no haya otro dialuna atardi, STA lo pone waf plat pa algun ora. Segun e presidente di e sindicato, Diego de Cuba na NoticiaCla, nan ta drenta reunion dialuna atardi pa contesta un ‘contra proposicion’ di APA, pero no ta sinti mucho pa esey. “APA Nv ta pretende cu nan no por bay mas cu e proposicion ofreci, y nos ta kere cu nan si por” De Cuba a bisa. De Cuba, -mientras e ta acepta cu e ta un aumento substancial-, no ta considera esaki algo descabeya.

Gerencia di APA no ta mucho pro e aumento di 150, y a bisa cu nan ta dispuesto eventualmente pa topa sindicato cu e pago parcialmente pafo di salario y parti di salario. Tambe a sugeri pa vries e CAO y duna e trahadonan un lumpsum un x suma na augustus y subi e bonus di primavera tambe cu un suma x. Algo cu gerencia a rechasa tambe. Esey a pone cu de Cuba a rabia y mustra cu e no ta parti di un wega di ‘kat en muis’. Esey ta pone cu si pa dialuna atardi no tin solucion, por tin accion unda cu de Cuba a mustra cu esaki ta nifica cu ta pone waf plat.