Arends: Aruba por aplica sancion na Rusonan cu a registra avion na Aruba

ORANJESTAD – Mientras cu ta confirma cu Aruba a registra avionan Ruso pasado, minister di transporte Ursell Arends a splica noticiacla cu si ta necesario, Aruba lo aplica sancionan na esnan cu mester haya esaki. E mandatario a confirma cu tin por lo menos 10 avion Ruso registra. Asina mes, e no ta premira cu tin hopi avion cu lo wordo afecta pa e sancionan Mericano relaciona cu e guera entre Ucrania y Rusia. “ Directie Luchtvaart ta den proceso pa analisa e aplicabilidad huridico pa cada avion y si en caso ta aplicabel, lo aplica sancionan manera mester ta”, e mandatario a sigui bisa.

CERA ESPACIO AREO

E mandatario mientrastanto a sigura cu e maneho ta pa implementa cabalmente tur sancion cu ta aplicabel. Como parti di esey, entre otro, a cera espacio aereo pa tur avion registra of vincula cu Rusia. “ E sancionan ta cambia y ta wordo adapta casi diariamente. Directie Luchtvaart, conhunto cu otro Departamentonan concerni ta siguiendo e (cambionan di) sancionan di cerca y lo sigui haci esey y lo sigui implementa nan segun aplicabilidad”, e mandatario a sigui bisa.

RUSONAN OLIGARTE

E mandatario no por a bisa cua oligarte exactamente ta cay bou di e sancionan cu Aruba por y mester aplica, y si esaki tin efecto financiero pa Aruba. Loke e mandatario a sigura, ta cu e hecho cu Aruba tin avionan Ruso registra, no ta bai trece problema pa Aruba, ya cu nos ta riba mes un liña cu Hulanda y Union Europeo pa loke ta e regimen di sancionnan.

PLACA AFECTA

E mandatario sinembargo no tabatn e informacon di cuanto placa ta envolvi den sancion ora cu esaki sosode. “Na e momento aki no tin e informacion ey. Lo haya un miho bista di esey mas despues. Vooralsnog ta mustra cu e efecto financiero riba e registro ta minimo y e efectonan ta mas secundario y no primario”, e mandatario a sigui bisa. 

OLIGARTENAN

Esnan mas conoci ta entre otro e oligarte Abramovich, cu ta doño tambe di varios yate y e ekipo di futbol Chelsea. Tin informacion cu e lo tin un of dos avion registra na Aruba. Tambe e portal aki por a compronde cu un otro oligarte, Viktor Vekselberg, tambe lo tin avion(nan) registra na Aruba y cu tambe a keda sanciona pa e.o. Inglatera.