Ciudadano ta entrega keho contra chauffeur di Arubus, ora cu e la keda ‘pega’ den e porta

ORANJESTAD - Un cuidadano ta bay entrega keho na Ministerio Publico y Arubus, contra un chauffeur di e compania Arubus despues di un incidente cu a sosode diahuebs. Segun e ciudadano, conocido miembro di NGO Raibow Warriors Milton Ponson, tabata despues cu a tuma un bus pa transporte, y cu e tabata baha di e bus, cu e incidente a sosode. “Ora mi ta bahando cu dos saco di compras pisá haci na SuperFood e bus driver ta dicidi di dal cera e porta mientras mi tin un pia pafor y un den bus ainda y un saco pafor y un saco cu a pega den e porta” e ta cuminsa splica. “ Si no tawata pa un pasahero den bus cu a grita na e chauffeur pa wak kico e ta haciendo, para e bus y habri e porta back pa mi por a baha, mi lo por a sufri lesion grave na mi curpa.  Mi tas di compra pega den e porta a scapa mi di kibra mi braza y elleboog” e ta sigui bisa.

KEHO

Ponson a sigura cu e no ta laga e asunto aki. “Contra e  chauffeur iresponsabel mi kier entrega keho oficial tanto na Arubus como Ministerio Publico”. Segun Ponson, eincidentenan aki ta inaceptable y si tawata un turista Mericano lo por a spera un caso di daño y perhuicio. NOTA: