Minister Croes: Kathy Paskel ta keda na Dimas pero sin poder di director

ORANJESTAD – Aunke cu e ta keda directora di DIMAS, Kathy Paskel no tin e poder di un director mas. Asina minister di Labor Glenbert Croes a confirma diabierna pa noticiacla. Manera ta conoci segun un memo cu a sali riba e tema e siman aki, e ta bisa cu “desde 10 di maart Minister di Labor, Energia y Integracion a haya oportuno pa institui un managemen team na DIMAS”. “ Kathy ta directora di DIMAS. Pero mi a belast un Management Team cu e leiding di DIMAS” Ora cu a puntra e mandatario si esaki ta bira un directora sin poder, e mandatario a contesta”. Sin poder pero awor mi a pidi DRH pa yuda mi nos defini su tewerkstelling paso mi kier pa e keda traha na DIMAS “ e mandatario a sigui bisa. “Pero no mas den e leiding di DIMAS”. 

REACCION PASKEL

For di sra Paskel, noticiacla a compronde cu tambe e minister a retracta e asina yama ondertekeningsmandaat di director. “ Mi ta na trabou. Mi landsbesluit como director ta vigente” sra Paskel a sigui bisa. Pa loke ta su siguiente pasonan, sra Paskel a bisa” Mi lo procede tuma e pasonan necesario pa contraresta e ponencianan infunda y incorecto den e carta”. Esaki pasobra entre otro, minister a indica den su carta cu e tin un kiebro di confiansa (vertrouwensbreuk).