AHATA: Aruba a conoce recuperacion di 70% di ocupacion na Februari

ORANJESTAD - Aruba a conoce recuperacion di 70% di ocupacion na Februari . Asina Aruba Hotel & Tourism Association (AHATA)  ta raporta e siman aki. Nan ta acumula e cifranan di ocupacion y prijs di hotelnan tur luna, y ta raporta cu na Februari e grado di ocupacion a recupera cu 70% compara cu ocupacion di 2019. 

FEBRUARI 2022:

-        Ocupacion: E ocupacion na hotelnan tabata 64.4%, cual ta 29.8% menos cu e grado di ocupacion na Februari 2019. 

-        ADR: E balor averahe di cada camber bendi na Februari tabata $356.69. Esaki ta casi e mesun balor cu na 2019.  

-        RevPAR: E entrada averahe pa tur camber disponibel tabata $229.74, representando un reduccion di 30% compara cu 2019. 

PROYECCION: 

Proyeccion actual pa ocupacion averahe di hotel pa henter aña 2022 ta 73% cual ta un recuperacion di 86% compara cu 2019. Den ultimo simannan Aruba ta experiencia mehoracion den reservacionnan pa resto di aña y mayoria di hotel tin proyeccion positivo. 

TIMESHARE:

E ocupacion averahe di propiedadnan di Timeshare na Februari tabata 86% y proyeccion pa Maart ta 94%.