Ley di Ombudsman no a haya suficiente sosten den Parlamento

ORANJESTAD - E ley pa ancra e Ombudsman den nos Constitucion awe den Parlamento no a logra haya suficiente sosten pa pasa. Pa un ley asina pasa, mester di dos tercera parti di Parlamento pa vota na fabor. Sinembargo, tabatin 11 di coalicion contra 10 di oposicion.  "Oposicion a scohe pa politica barata pa evita cu nos ta haya un Ombudsman cu tur su autoridad” e prome mandatario a bisa como un prome reaccion. A compronde di e mandatario cu asina mes, nan lo ehecuta e ley di 2020 y duna Aruba su Ombudsman. “ Esey ta mi compromiso” e mandatario a finalisa bisando. Potret cortesia binnenlandsbestuur.nl