Na Corsou varios departamento di polis ta den accion pa mustra malcontento

WILLEMSTAD - Polisnan mal kontentu di tres departamentu ku ta den akshon pasobra nan no tin material entre otro outo pa nan traha kuné, ta kontinuá den akshon awe. Entre tantu tin mas departamento di kuerpo polisial ku a djòin e akshon, i awor e kantidat di departamentunan di KPC (Kuerpo Polisial Curaçao) den akshon a bira 6. Esaki ta loke ku presidente di NAPB sra, Thaise Isidora Lo-A-Njoe a duna di konosé na EXTRA.

For di djamars e agentenan di Tim di Atrako i LBD a bai nan sindikatonan NAPB, STrAF i SAP paso nan ta den akshon, pasombra no tin vehíkulo pa nan por laborá kuné. P’esei nan a bai serka nan sindikato SAP djamars.

Ayera nan a bai sindikato NAPB, den oranan tempran di mainta, kaminda nan kier a tende ta ki dia nan ta haña vehíkulo pa laborá kuné.

Un dado momentu e agentenan a disidí pa bai Fòrti pa papia ku minister di hustisia kende ta ser yena awor pa sr. Charles Cooper, despues ku djamars minister Silvania a anunsiá ku te lo tuma tur e karteranan ku sr. Pisas tin. Sr. Pisas a biaha pa Chile pa instalashon di presidente nobo dje pais.

Yegando Fòrti nan a topa ku a sera porta pa nan, i sr. Cooper a indiká na e agentenan den akshon ku e no por atendé nan ku no ta te ayera tardi 4 or òf awe mainta. Pasobra sr. Cooper a primintí e sindikatonan ku pa awe promé ku 11 or e lo duna nan un kontesta i solushon pa vehíkulonan pa e miembronan di KPC.

Sra. Isidora Lo-A-Njoe a indiká ku minister Cooper a bisa nan ayera tardi ku e tin posibel solushon, pero den mesun rosea sr. Cooper a bisa nan ku e no tin sèn pa kumpra outo nobo pa polis. Ta for di 10 aña pasá kuerpo polisial a haña outo nobo. Ademas ora tin vehíkulo nobo ta pa “straatdienst”, i no e otro departamentunan di KPC. NOTA: E texto ta scirbi den Papiamento fonetico di Corsou.