Benta di Chelsea ta para debi na sancion impone contra su doño

LONDON – E benta di e club di futbol professional Britanico Chelsea no ta sigui. Esaki pasobra e doño Ruso Roman Abramovich, a haya sancion impone contra dje door di Inglatera, relaciona cu e guera entre Rusia y Ucrania. E gobierno Britanico kier castiga e Ruso superrico, pa cu e guera, hunto cu de mas olgartenan (hendenan hopi rico). Debi pues na e sanccionan aki, e benta ta para por lo pronto. Segun prensa Britanico, e club por hunga wega si, pero no por bende carchi nobo y e tiendanan pa fanatic mester keda cera. Solamente esnan cu a cumpra carchi di temporada, por drenta e stadion Stamford Bridge  ainda. Siman pasa ainda Abramovich a bisa cu despues di ta doño di e club pa 20 aña, e kier a bende esaki y duna tur loke e genera na e entrada di e benta, na victimanan d e guera di Ucrania.