Parlamento ta continua tratamento di ley di Ombudsman awe

ORANJESTAD - Awe Parlamento ta continua cu tratamento di cambio di nos Constitucion pa ancra e Ombudsman den nos Constitucion. E posicion di Ombudsman ta uno di defensor di pueblo, tur esnan cu sinti cu nan no tin oido den un pais, of cu no ta wordo trata husto, por acudi na Ombudsman. Aruba te awor ta e unico pais den Reino Hulandes cu no tin un Ombudsman. 

INVESTIGA

E ta investiga e caso y ta duna un conseho.  Pa e conseho no bai den “lachi”, y pa evita cu gobiernonan lo neglisha e consehonan, ta importante pa ancra e Ombudsman den Constitucion. E ley di Ombudsman tabata un ley di iniciativa di Parlamento cu tur Parlamentario a sostene. Pero pa un of otro motibo, esaki no a haya e prioridad necesario. Den pasado tabatin te hasta rumor cu un ex minister e tempo cu a cuminsa papia di dje, lo tabata interesa den e funcion aki, esta actual parlamentario Marisol Lopez Tromp. “Ohala cu awe tambe e cambio ricibi e 2/3 parti di voto cu e tin mester, pa ancra e Ombudsman den nos Constitucion” minister presidente Evelyn Wever a bisa diaranson mainta den un comentario. E reunionpublico ta continua awe mainta 10or am.