ABV: HOH ta gasta 3 miyon anual na tratamento di personanan indocumenta

ORANJESTAD – Hospital Horacio Oduber pa aña tin un gasto di por lo menos 3 miyon florin na tratamento di pashentnan indocumenta (ilegal) segun presidente di e sindicato di hospital ABV Gina Maduro a informa Noticiacla. Segun sra Maduro, nan no tin nada contra e indocumentadonan, pero si gobierno mester bin na un solucion pa esaki. E ta placa cu ta sali di hospital, y cu no ta drenta bek. 

PLACA

Segun Maduro, pa luna tin un grupo p.e. di pashentnan indocumenta cu ta pashent di cancer (oncologo) cu pa luna ta costa hospital 250 mil florin na gasto, cu ta suma na 3 miyon pa aña. “ Y asina tin mas specialista ta duna nan servicio y no ta hañando e placa” Maduro ta sigui bisa. “Si nos haña 1 patient di dialyse den e indocumentadonan, nos ta leeuw for di cas!”E ta un servicio cu hospital ta dunanan, pasobra tur hende tin derecho pa un cuido. “ Pero e placa ta bin bek den ( druppelsysteem) y si nan bandona Aruba, no ta haña e placa bek. Yesey ta pasando”, Maduro ta sigui bisa, y esey ta pone cu HOH (Hospital Horacio Oduber) tin problema cu cashflow e.o. Atrobe, Maduro ta subraya cu tin nada contra nan pero gobierno mester bin na un solushon si. “Un placa cu no ta bin bek pa HOH. (E ta) mas bien un verliespost” Maduro ta finalisa bisando.