Na Corsou tin basta minister ausente

WILLEMSTAD - Basta minister di gabinete Pisas II ta ousente e dianan aki. A keda minister Javier Silvania ku kuater kartera i tambe sra. Dorothy Pietersz-Janga pa remplasá minister di enseñansa ku tambe ta di biahe.

Kuminsando ku promé minister sr. Gilmar Pisas ta bai representá Reino na instalashon di presidente chileno nobo sr. Gabriel Boric. Ayera sr. Pisas a bula pa Chile.

Sr. Javier Silvania lo tin e karteranan di sr. Pisas esta di Promé Minister, Minister di Asuntunan General i tambe Minister di hustisia.

Sr. Silvania a anunsiá ku e ta e minister di remplaso interino tambe pa minister Charles Cooper ku lo no tei e dianan aki. Si sr. Pisas taba’tei, den kalidat di minister di hustisia, e lo a remplasá sr. Cooper.

Minister di Enseñansa, Siensia, Kultura i Deporte sr. Sithree van Heydoorn a informá parlamentu ku el a biaha pa Hulanda di 5 mart ku 15 di mart 2022, pa partisipá na e Konsulta di kuater paisnan, en bishita na e konsehal di e munisipio Den Haag pa firma un konvenio di intenshon, pa diferente konsultanan ku outoridatnan i pa asistí na e reunion ku “Policy Productions”, den kuadro di vivienda Edukashonal. Segun e skema, minister sra. Dorothy Pietersz-Janga lo remplasá minister van Heydoorn.

Minister Ruisandro Cijntje tambe ta bayendo Dubai ku henter un delegashon di Kòrsou e dianan aki. Pues basta minister for di Kòrsou. NOTA: Texto ta scirbi den Papiamento fonetico di Corsou.