DOW: Construccion di rotonde tan solicita di Palm Beach a cuminsa!

ORANJESTAD – Manera anticipa, dialuna a inicia cu e construccion di e rotonde di Palm Beach. Pa esaki cuminsa, DOW a cera un parti di e crusada Palm Beach pa asina por cuminsa cu fase 1 di construccion di e rotonde. Manera informa, fase 1 lo tin un duracion di 20 siman aproximadamente. A nota tambe cu e ruta di desviacion a wordo indica cu borchi y baricada di aviso. DOW a pidi pa por fabor tene cuenta 

E ROTONDE

Tabata siman pasa diahuebs atardi durante un conferencia di prensa, cu DOW a haci e anuncio tan spera. E rotonde tan anhela na Palm Beach lo bira un realidad! A splica cu e lo keda traha den 2 fase, di cual e prome fase lo dura 20 siman. E trabou completo lo tuma 130 dia di trabou, y ta dura total 6 luna y lo costa total 1.6 miyon florin.

PROME FASE

E prome fase cu a wordo cera, ta e banda "west" di e cruzada y lo tin un duracion di aproximadamente di 20 siman manera ya informa. Ruta di desviacion a wordo indica cu borchi y baricadanan di aviso. DOW y Korps Politie Aruba a pidi tur automobilista y habitantenan pa cuenta cu e desviacion aki y e inconveniencia cu lo por surgi pa cual a ta pidi n disculpa y ta gradici pa e comprension y cooperacion.