Reduccion di castigo pidi den caso Zambezi na Bonaire

KRALENDIJK – Abogado general Ton van der Schans a pidi castigo condicional reduci den caso Zambezi e siman aki contra sospechosonan Ramoncito Booi y pareha Burney y Ginia El-Hage na Bonaire.

TRATAMENTO DI CASO

Corte, presidi pa huez Ter Berg, a trata e caso di fraude di hipoteca y construccion di cas di e pareha El-Hage. Van der Schans a laga varios hechonan castigabel cay, pa falta di prueba. Booi tabata den corte atrobe pa falsificacion di firma, relaciona cu compra di un tereno. E tres sospechosonan a wordo absolvi di tur cargo.

CASTIGONAN PIDI

Contra pareha El Hage a pidi 4 luna di castigo di prison condicional, cu un prueba di 2 aña y 200 hora di trabou comunitario. Pa Booi, a pidi 6 luna di castigo di prison condicional y un periodo di prueba di dos aña y 240 hora di trabou comunitario.  

SENTENCIA

E tres sospechosonan a wordo asisti pa e abogado Geer Jan Knoops y su ekipo. Awe e sospechosonan lo haya oportunidad pa duna nan comentario final. Y e sentencia ta aki tres siman. 

Pa Ret Karibense. Autora Belkis Osepa, foto cortesia Belkis Osepa.