Wever: Si dicidi di aumenta prijs di awa y coriente, e lo ta gradualmente

ORANJESTAD – E impacto economico debi na e guera na Ucrania, no ta bay ta mes severo pa Aruba compara cu otro partinan di mundo. Por lo menos asina e agencia di rating internacional FITCH a bisa Aruba. Asina prome minister Evelyn Wever a sigura den e programa noticiacla diahuebs anochi. “Nan a recomenda pa no tuma pasonan drastico awor caba mesora” Wever a sigui bisa. “Si nos aumenta prijs mes di awa y coriente, e lo ta gradualmente” e mandatario a bisa, indicando cu no mester pensa cu esaki lo subi di un solo biaha, mescos cu prijs di gasoline. E mandatario a compara e hecho cu p.e. na Hulanda awe diabierna e prijs di gas ta aumenta cu 60%. 

“Ban pone cu e prijs di awa y coriente of e gasto di e hfo cu WEB ta importa pa genera electricidad a aumenta cu 60%, nos no ta bay subi prijs di awa y coriente den un solo shot. E ta algo cu lo tin cu bay gradual” e mandatario a sigura un biaha mas. 

GASOLINENo sa ainda cuanto e prijs di productonan petrolero lo aumenta ainda otro siman, aunke a bisa si caba cu e lo ta un aumento. Y esaki lo bin den aumentonan gradual.