Otro siman dialuna DOW ta cuminsa traha rotonde na Palm Beach!

ORANJESTAD – Despues di tanto anticipacion, tanto accidente y dolopr di cabez, dialuna awor porfin DOW ta cuminsa cu e construccion di rotonde na Palm Beach. Diahuebs atardi durante un conferencia di prensa, a haci e anuncio tan spera. E lo keda traha den 2 fase, di cual e prome fase lo dura 20 siman. E trabou completo lo tuma 130 dia di trabou, y ta dura total 6 luna y lo costa total 1.6 miyon florin. 

PROME FASE

E prome fase cu lo wordo cera lo ta e banda "west" di e cruzada y lo tin un duracion di aproximadamente di 20 siman manera ya informa. Ruta di desviacion lo wordo indica cu borchi y baricadanan di aviso. DOW y Korps Politie Aruba a pidi tur automobilista y habitantenan pa cuenta cu e desviacion aki y e inconveniencia cu lo por surgi pa cual a ta pidi n disculpa y ta gradici pa e comprension y cooperacion.