Prome minister ta alerta pa atakenan cibernetico relaciona cu guera na Ucrania

ORANJESTAD – Relaciona cu e guera na Ucrania, Prome Minister Evelyn Wever-Croes diahuebs  a alerta pueblo di Aruba en general pa ta cauteloso na momento cu ta haci uzo di internet den e dianan aki. E motibo ta posibilidad pa atakenan cybernetico, cu por afecta bo sistema personal di internet.  Prome Minister a remarca cu e situacion na Ukraina ta keda uno alarmante y nos mester keda alert ana tur momento. Gobierno a sigura cu nan ta prepara pa esaki, pa evita un atake di hackernan. 

HOSPITAL Y BANCO\

Den pasado hospital di Aruba y un of dos banco local a pasa den experencia di un atake cybernetico unda cu den e caso aki, a ‘tene hospital’ como rehen, exigiendo  sumanan di placa crypto. Banconan a nenga cu nan a wordo ataca, pero aki tambe tabatin informacion cu lo tabatin atake. 

ATAKE

Segun prome minister, e atakenan por bin via internet, uso di whatsapp of SMS. A mustra cu tin un nivel mas halto di atake aworaki cu por bin debi na e guera. Russia a menasa caba segun e portal aki a compronde, cu si ataca cierto partinan di Rusia, e hackernan lo no basila y lo ataca ferozmente, mancando sistemanan internacional Europeo y otro parti di mundo.Potret di Getty.