Merca ainda tin Aruba riba lista mas halto contra biahe debi na Covid19

NEW YORK – Mientras cu Aruba dos siman pasa a practicamente revoca tur medida contra Covid19, ainda Merca tin Aruba riba e lista di mas halto contra Covid19, esta e lista cora. Diabierna lo haci 3 luna atrobe cu Merca a pone Aruba ‘bek’ riba e lista aki. Ta premira cu posiblemente aki dos pa tres siman bin cambio. Ultimo biaha cu Aurba a wordo poni riba e lista, a dura algo mas cu 3 luna tambe prome cu Merca adapta e lista. 

AUGUSTUS

Tabata na augustus ora cu Aruba a conoce un brote dramatico, cu Merca a pone Aruba riba e lista ey. Pero ya na September e cifranan a baha di tal forma cu e situacion na Aruba tabata bou di control atrobe. Pero tabata te fin di November comienso di December cu Merca a dicidi di kita Aruba di e lista. E biaha aki por spera mescos. 

AFECTA TURISMO

E problema cu e lista aki ta cu aunke cu turismo pa Aruba for di Merca ta mustra bon, tin propiedadnan di Aruba cu pa regla, no por ricibi turistanan MEricano ainda. Nan ta mantene un regla hopi rigido y ta ora cu e lista ey cambia, ta permiti pa e turistanan ey biaha y hospeda na cierto hotelnan di renombra halto na Aruba. Y esaki sigur ta afectando e operacion di e hotelnan specifico aki. Pues pa nan ta hopi importante pa Aruba baha di e lista di mas halto y wordo poni riba un lista mas atractivo.