Autoridad local a gara un capo grandi internacional di droga na Aruba

AMSTERDAM – Un persona importante den mundo di mafia di cocaina a wordo deteni na Aruba. Minister di husticia Rocco Tjon diahuebs mainta a confirma esaki pa noticiacla. “Mi por confirma esaki” e mandatario a bira breventemente na e portal aki. Segun vocero di Ministerio Publico di Aruba Ann Angela, e persona aki “lo wordo manda mas rapido posible pa Hulanda”. Ta trata di un Surnameño conoci Siegfried ‘Piet’ W, di 53 aña, cu a keda deteni ‘despues di un accion exitoso di e ekipo FASTNL di DLR (Dienst Landelijke Recherche). Hulanda a haya informacion cu e persona lo a sali di Surnam, direccion pa Aruba unda cu OM di Hulanda lo a haci un peticion pa detene na Aruba. “A base di un rechtshulpverzoek, riba peticion di Hulanda, e a wordo deteni na Aeropuerto ora e a yega” e mandatario a sigui bisa.  

DETENCION

E informacion completo ta cu diaranson ora cu e persona aki a yega, durante control di paspoort, alarma a bati y a pasa pa su detencion mesora. Aparentemente e lo a huy pa Surnam despues di a sinta un parti di castigo y durante un ‘verlof’ a huy. Awor ta pidi pa mande bek pa Hulanda pa e caba sinta su castigo. 

LIDER INDISCUTIBLEE ta wordo mira como un lider indiscutible di un organisacion di droga, cu a tene su mes ocupa cu e traficacion di cocaine. E tabata asocia su mes den circulonan di mas halto di Sociedad y lo a te hasta saca potret cu awe Rey Willem Alexander na 2010 despues di e final di copa mundial Spaña Hulanda.