Union Europeo ta habri porta pa refugiadonan di guera di Ucrania

BRUSSEL – union Europeo ta habri porta hancho pa refugiadonan di guera di Ucrania. Bruselas kier prome impone un  medida di emergencia cu ta duna Ucranianos un status di proteccion temporal mesora. Expertonan ta pronostica cu miyones di Ucranianos lo huy pa e bomnan di Vladimir Putin, presidente di Rusia. Normalmente migrantenan mester pasa door di un procedura di asilo pa haya un permiso temporal di estadia. Pero, ta premira cu e sistema di asilo dificilmente por procesa un  entrada masivo asina. E permiso ta valido pa por lo menos un aña, of ora cu tin entrada sigur bek pa nan patria. E por wordo prolonga cu maximo 2 aña.