Aeropuerto Reina Beatrix a prolonga medida riba tapaboca cu dos siman mas

ORANJESTAD – Aeropuerto di Aruba a prolonga e medida pa tin tapaboca den lugarnan restringi, cu 2 siman mas. Diamars nan a confirma cu despues di evalua e situacion, a dicidi cu e parti na aeropuerto unda cu tin cu bisti tapaboca obligatorio, ta keda vigente pa dos siman mas, esta te 15 di maart. Anteriormente a anuncia cu esaki lo ta te dia 1 di maart, esta awe, pero awor ta sigui dos siman mas. 

GOBIERNO A SUAVISA MEDIDA 

Tabata recientemente cu gobierno di Aruba a anuncia awe cu ta cancela tur medida contra Covid19 entrante diahuebs awor, tin companianan cu a dicidi cu nan si ta mantene e medidanan vigente. Entre nan tin aeropuerto cu mesora a anuncia cu e medidanan ta keda vigente te por lo menos 1 di maart, esta awe. A mustra cu for di 17 di februari  , tapaboca tabata recomenda den tur oficina, area di check in y arrival, pero tabata obligatorio den areanan den aeropuerto manera imigracion y douane local, seguridad, tereno Mericano, tur porta di salida y lugarnan di F&B te 1 di maart 2022. Esey awor pues tin fecha nobo. Mientrastanto AAA lo sigui monitoria e situacion di aviacion globakl prome cu e cambia su medidanan actual.