Hospital Horacio Oduber ta flexibilisa uso di tapaboca

ORANJESTAD - Hospital Horacio Oduber diamars a anuncia cu nan ta flexibilisa e uso di tapaboca, y cu esaki di otro banda, ta keda obligatorio ora cu ta cerca pashent. Segun e informacion, na momento cu Gobierno di Aruba a anuncia cambio den medida di Covid, entre otro flexibilisacion di uzo di tapaboca, Hospital a tuma e decision pa sigui monitor e situacion pa algun dia y no stop e uzo obligatorio di tapaboca ni pa trahado y tampoco bishitante. 

UZO DI TAPABOCA

Recientemente Outbreak Management Team di HOH a tuma decision pa flexibilisa uzo di tapaboca na Hospital pero algun caminda e uzo ta sigui ta obligatorio cu e meta principal pa protehe pashent y empleado. Na momento di tin contacto directo cu pashent uzo di tapaboca ta obligatorio pa bishitante y trahado. Si no tin contacto directo cu pashent pero ta desea di sigui haci uzo di tapaboca pa proteccion semper ta posibel y ta recomendabel.