Gobierno ta trahando riba un solucion pa e aumento di prijs di petrolio

ORANJESTAD – Gobierno di Aruba (lesa: minister Geoffrey Wever) ta tratando riba un solucion pa e aumento di prijs di petrolio. Asina gobierno a informa e dianan aki riba e tema di prijs di gasoline primordialmente. Otro siman diamars gobierno tin cu anuncia un prijs nobo di gasoline, manera ta custumber (cada d dos diamars di luna) y ta premira cu e lo ta un aumento drastico e biaha aki atrobe. Tur debi na e guera na Ucrania. Kico exacto e mandatario ta purbando, no ta conoci ainda. Loke e mandatario a bisa si ta cu “e subida di prijsnan den e sector di productonan petrolero lo traduci su mes den un aumento di prijs pa productonan petrolero local”. Y ta conoci cu e desaroyonan internacional ta afecta e prijs di gasolin y diesel ya cu nos ta 100% dependiente di gasoline y diesel internacional", Minister Wever ta comenta. "Pa e motibo aki nos a cuminsa traha riba un forma con pa reduci e impacto aki riba termino cortico pa e consumidor." Minister Wever ta menciona cu ta ta evaluando importacion di un gasoline mas economico y tambe un revision di e structura di prijs di gasoline y diesel cu por tin un efecto positivo riba e prijs, sin cu esaki ta afecta entrada di Gobierno di Aruba.