Segun Gregory Elias: Otro aña Curacao North Sea Jazz ta bek atrobe!

WILLEMSTAD – Otro aña e Curacao North Sea Jazz Festival ta sigui atrobe. Despues cu pa tres aña esaki no a sigui, e motor tras di e festival aki, sr Gregory Elias a confirma esaki pa noticiacla diamars merdia. “E aña aki si!” tabata su contesta cortico pa e portal aki, ora cu a puntra kico e chensnan ta pa esaki continua awor cu cos ta drechando bek pa loke ta pandemia. Mientras cu e detayenan no a conoci ainda, e noticia cu tin e festival di nobo solamente caba ta sufiiciente pa trece alegria pa hopi. Ta conoci cu cifras cu for di tempo cu a inicia e festival aki casi 10 aña pasa, e la crea un spinof economico pa Corsou di tal magnitude cu e la bira un di e eventonan principal di aña pa e isla. Un of dos biaha a pospone e festival, pero asina cu a bolbe cu ne, cos tabata manera nunca e la para. Sinembargo pa motibo di e pandemia, tur cos a cay na awa na 2020, y a sigui asina aña pasa y logicamente e aña aki tambe. Pero awor ta sigui preparacion pa 2023. Keda pendiente pa detaye ora cu nan bira conoci.