Polis a detene 31 persona durante Parada Nacional di Luz diasabra

ORANJESTAD - Polis a detene 31 persona durante Parada Nacional di Luz diasabra. E detencionnan tabata entre otro pa: buracheria, no sigui ordo di polis, bringamento etc. Asina polis a informa diadomingo como nan relato policial riba e parada. Cuerpo Policial Aruba a conta cu 150 personal riba pia. Diferente departamento di Cuerpo Policial a traha hunto entre otro Polis Uniforma, Mobiele Eenheid, Motor Unit, K-9 unit, Mobiel Commando, Departamento di Recherche, Personal administrativo y nos Commando Kamer tambe personal di CEA. Pa diadomingo madruga pa  12:25 am, e cabez di e parada a yega Ex-DOW na playa. Pa 1:55 am e parada a yega su final.

E DETENCIONAN

No ta tur 31 a keda deteni ora cu dia a habri diadomingo. 

For di 31 detecionan 5 hende homber a keda cera pendiente di mas investigacion:

D.S.X.S. naci na Aruba di 33 aña pa menasa un polis y durante listramento a haya ariba dje un skinops (boksbeugel) y a confisca esaki. 

E siguiente 3 sospechosonan a keda cera pa “Openlijk Geweldpleging” (Bringa den grupo den publico):

M.A.O. naci na Aruba di 22 aña

P.A.K.  naci na Aruba di 16 aña

D.D.C. Naci na Aruba di 18 aña

S.S.C.J.K. naci na Aruba di 20 aña a keda cera pendiente mas investigacion pa maltrato di un polis. 

Un anochi cu diferente suceso pero nos polisnan tabata activo pa mantene orden publico