Aruba a tene su Parada Nacional di Luz diasabra anochi

ORANJESTAD – Despues di dos anja sin experencia un parada di carnaval, diasabra anochi Aruba a conoce su prome parada cu, aunke no kier a yame uno carnavalesco sin Parada Nacional di Luz, tabatin tur elemento carnavalesco. Esaki pasobra tur e participantenan tabata pertenece na un of otro grupo existente di carnaval. Na tur tabatin 6 grupo di carnaval y 6 banda cu tabata consisti di entre 350 pa 750 persona pa grupo. E parada, aunke no largo, tabata mustra di tabata uno yena cu ambiente. Compara cu paradanan normal di carnaval, esaki tabata uno hopi mas chikito den tanto largura, como presencia di publico. Asina mes, esaki no a stroba esnan cu a participa, di pasa un bon rato. E concepto di parada a keda hopi debati, si e tabata un bon idea of no. Esaki pasobra ainda Aruba no a recupera completamente di e pandemia y cu ainda hopi hende no tabatin salario completo. Asina mes, gobierno a dicidi di tuma e decision di organisa e parada riba su mes, y cu un sosten financiero relativamente mas chikito (ta papia di un inversion di 100 mil florin di cual cada grupo lo mester a ricibi un parti) y usa esaki como un ‘mecha’ pa sende e carnaval pa 2023. Potretnan ta cortesia di Noticiacla.