Personanan indocumenta a yega Aruba via boto awe

ORANJESTAD – Un biaha mas Aruba ta experencia e intento di personanan indocumenta pa drenta nos isla sin wordo detecta, pa asina cuminsa un bida nobo. Diabierna pa 7:35 di mainta central di polis ta wordo notifica door di personal di APA cu nan ta wak un boto di piscado bashi ta drief na altura di boca di Waf. Patruya a wordo despacha pa e sitio y na altura di Nikki Beach a logra detene dos persona indocumenta.  Un di esnan deteni ta bisa cu aparentemente nan lo tabata 8 persona total riba e boto. Kustwacht ta na altura y tambe polis maritimo pa asina yuda cu e buskeda pa cu e otro ilegalnan.  Si tin mas informacion nos lo manda un update di e casi aki cu ta den desaroyo. Potret ta cortesia di KPA.