Corte: Minister na Corsou no mester rectifica contra ex hefe di gabinete

WILLEMSTAD – Corte den Promé Instansha di Kòrsou a disidí awe ku no ta ordená minister di finansas Silvania pa rektifiká su ekspreshonnan tokante un èks hefe di kabinete.

Ta trata di e ekspreshonnan ku Silvania a hasi riba su página di Facebook enkuanto e akuerdo di tarea ku a wòrdu será na 2021 entre e minister di finansas anterior i e kompania di e èks hefe di kabinete i ekspreshonnan enkuanto e envolvimentu di e èks hefe di kabinete den e proyekto di automatisashon di departamentu di impuesto. Pa loke ta trata e ekspreshonnan tokante e akuerdo di tarea korte ta huzga ku na momento ku e ekspreshonnan a wòrdu hasí, tabata tin sufisiente base válido pa esakinan. Mirando e manera iregular ku e akuerdo aki entre e èks hefe di kabinete i e minister di finansas anterior a ser realisá, korte ta yega na e konklushon ku e ekspreshonnan di Silvania no por wòrdu kualifiká ilísito. 

Pa loke ta trata e eksproshonnan tokante e evolvimentu di e èks hefe di kabinete den e proyekto di automatisashon, korte ta huzga ku e ekspreshonnan aki, pa asina leu ku esakinan ta ilísito kontra di e èks hefe di kabinete, ya a wòrdu rektifiká sufisiente dor di Silvania ku e mensahe di 7 di febrüari 2022 ku Silvania a pone riba su página di Facebook. NOTA: E texto ta scirbi den Papiamento fonetico di Corsou.