Periodista Europeo ta ‘sorprende’ mundo, raportando e crisis di Ucrania den 6 idioma sin problema

WASHINGTON – Na Aruba nos ta conoci y ta broma cu nos sa 4 idioma sin problema. Algo cu hopi no ta imagina con grandi esaki ta. Un periodista Europeo di e agencia Associated Press, Polyglot Philip Crowther a (bolbe) sorprende mundo e siman aki cu riba e crisis di Ucrania. Aparte di AP (Associated Press), e ta yuda various otro agencia y ta raporta den e idiomanan Ingles, Luxemburgo, Spaño, Portugues, Frances y Aleman den un forma perfecto. Tabata dialuna cu e la pone un montahe di su trabou riba youtube, cu a bira viral y den cuestion di 24 ora a yega 1.8 miyon bishitante. Crowther ta naci na Luxemburgo, di tata Britanico y mama Aleman, y ta basa na Washington, Merca. 

MULTILINGUAL

Na Aruba esaki no necesariamente ta algo ‘grandi’ mirando cu mayoria di nos ta ‘broma’ cu nos ta domina 4 idioma, Ingles, Hulandes, Spaño y Papiamento. E realidad sinembargo ta cu nos ta defende e idiomanan y no tur hende ta mes agil y ta papi’e fluentemente. Asina mes, pa otronan rond di mundo, nos tin un rikesa na idioma cu hopi biaha nos no ta imagina. E ehempel di Crowther ta un otro muestra di esaki.