Grupo di residente venezolano na Aruba ta rechasa medida di presidente mericano

ORANJESTAD – Un grupo di venezolano residencia na Aruba, cu ta integrante di e hala arubano di e Partido Socialista Unido de Venezuela en Aruba (PSUV-Aruba), a rechasa e declaracionnan y medida anuncia pa presidente mericano contra soberania di Venezuela. Nan a haci esaki pa medio di un comunicado presenta awe na e consul venezolano. Nan a indica cu nan ta mantene nan mes firme y alerta contra cualkier agresion na Venezuela.

COMUNICADO

Esnan cu a presenta y firma e comunicado , tabata Antonio Alcibíades, Néstor Pérez, Tamara González, Hedeberto Villasmil y Nélida Koquiz, cu a reitera cu “ta respeta Venezuela”. Fuera di e personana aki, tabatin tambe e venezolano naci na Aruba, Juan Alejo Germán. Segun Germán, aki na Aruba nan tin hopi pa gradici Venezuela.

CONSULADO

Den e sede di e consulado venezolano, e consul general Alirio Mendoza Galue a ricibi e ‘compatriotanan’ cu a identifica nan mes como “militantes del PSUV-Aruba, hijos de Bolívar y Chávez, que en cualquier rincón y trinchera defenderemos nuestra soberanía”. Por lesa e declaracion completo aki.