SADA: Douaneronan ta stop di tuma oranan liber relaciona cu recorte salarial

ORANJESTAD – Sindicato SADA lo para e decision pa tuma oranan liber, conforme e recorte salarial di 12.6%,  honrando peticion di hues. Asina presidente di e sindicato SADA Eduard Maduro a bisa dialuna durante un conferencia di prensa. E no ta un orde maatregel, pero si un peticion di hues cu e sindicato a dicidi di respeta. Mes momento, e hecho cu diabierna ultimo tabatin interupcion di servicio di douane debi cu douaneronan a tuma nan oranan liber, ta bay pa responsabilidad completo di e director di e departamento. Asina presidente di sindicato SADA, Eduard Maduro a bisa durante un conferencia di prensa dialuna mainta. Varios douanero (conforme e circulario di minister presidente segun e presidente di sindicato nan por a haci esaki:red) a tuma nan oranan liber cu nan no ta wordo paga p’e, cu a causa e disrupcion di servicio na varios parti, manera na waf y aeropuerto. E resultado di esaki ta consecuencia di e actitud ‘intransigente’ segun Maduro.  

ORDE MAATREGEL

Segun Maduro, nan a haya alerta di departamento huridico di gobierno DWJZ, cu nan lo por haya un orde maatregel tambe, si sigui cu e accion. Maduro a sigura cu no ta trata di un accion pasobra ningun momento a anuncia cu lo tin un welga of accion, sino cu trahadonan a tuma nan orarionan. 

ATIA

A lamenta e reclamo tambe di e gremio ATIA cu a cuestiona e situacion di diabierna ora cu varios departamento di douane a keda interumpi. A mustra como si fuera cu ora cu tin otro dianan liber, no tin interupcion di economia di Aruba y ta solamente ora cu tin situacionan manera esaki, cu economia ta stanca.