CAFt: Gasto di interes pa Aruba ta historicamente halto sin precedente

ORANJESTAD - E concepto di ley di e presupuesto di Aruba pa 2022 ta inclui un deficit significativo di e pais di AWG 286 miyon. Segun e colegio di supervision financiero CAFt den nan comentario riba nan ultimo bishita virtual pa Aruba (siman pasa),  esaki lo significa cu e debe di Aruba tambe ta aumenta substancialmente e aña aki.  E gastonan di interes di e aña aki ta subi na AWG 261 miyon. Historicamente esaki ta un nivel halto sin precedente. Hopi importante ta pa limita e gastonan e aña aki. Pa reduci e debe publico, cu actualmente ta AWG 53 mil pa persona di e poblacion di Aruba, ta necesario pa realisa un surplus presupestuario iniciando den aña 2023. Pa logra esaki, ta inevitabel y di suma importancia pa tene e gastonan publico bou di control. Ta di suma importancia pa reduci e gastonan di personal cu na aña 2022 ta na mas di 35 prociento di e ingresonan. E gastonan na producto y servicio tambe mester keda reduci. CAft ta conseha Aruba pa presenta e concepto di ley di e presupuesto na Parlamento mas pronto posibel cu un deficit cuta significativamente menos.