Hulanda ta raporta mei biyon di daño causa pa tormenta Eunice

AMSTERDAM – E daño causa pa tormenta Eunice e ultimo dianan ta balora na mei biyon euro. Nunca antes companianan di seguro a haya nan mes cu asina hopi reclamo di daño y cu e daño tabata asina grandi. Asina e asosacion di seguro ta raporta dialuna na Hulanda. E gasto ta calcula riba base di modelo y casonan di registro di seguronan. Ta premira cu e suma calcula lo wordo surpasa. Siman pasa pa algun dia e tormenta a asota e pais y a causa hopi daño fisico, unda cu mayoria tabata matanan cu a cay riba cas of hende of auto, destruyendo esaki, of artifactonan a simplemente bula bay.