Tormenta Eunice a costa bida di 4 persona na Hulanda awe

AMSTERDAM – E tormenta Eunice a costa bida di 4 persona na Hulanda diabierna. Na tres lugar den e region di Amsterdam, ta trata di hendenan riba cual un palo a cay. Den un di nan, tabata un palo cu a cay riba auto, cu tabatin un hende aden. Un otro ta un homber riba Bicicleta, y un otro tabata un accidente ora cu e chauffeur a dal den un palo cu a cay riba caminda. Na Braband un dama a resulta seriamente herida door di un palo cu a cay riba dje.